قصيدة “طوق النجاة”

قصيدة “طوق النجاة”

كتبت:ـ أماني محمود

 

كنا سوا وكان اللى كان
أصل القدر فوق الزمان
يعنى تدوب فينا الأمانى
وتنكتب زى الجواب من غير بيان
بقلوبنا نبعت كل كلمة حب كلمة خوف يتوه فيها المكان
أصل الحياة لعبة قدر فوق المكان فوق الزمان………..
ولعبنا لعبة الصراحة…..
واهو جا السؤال والدور عليا
قاللى حياتك ديه لقيتى فيها راحة؟
جاوبته قلت ده شئ بعيد مش بين إيديا
قال ليه عينيك الحزن فيها؟؟؟
طب ليه داريتى كتير عليا
أنا قلت له مش لاقية راحة
فى العيشة ديه…والدنيا ديا
لايام تموت كل حاجة…
حلوة مشت قدام عينيا
فين فرحة العمر اللى كان؟
تضحك لنا فى كل مكان
دلوقت صدفة تمر بينا
وآدى لمة العيلة كمان
إللى وراها ألف ضحكة فى كل آن
اللمة راحت راح معاها الأنس راح كل اللى كان…..
والضحكة تاهت عندنا…
والضحكة تايهة فى قلبنا
واتقفلت كل البيبان…..
ألبوم صورنا ده اتنسى
ومعاها ضاع كل الحنان
الكل مجنون بالحياة…
ونسى أخوه وقت الألم
فى القلب بينادى عليه…
يمكن أخوه يسمع نداااه
يمسح دموعه اللى رمتها ألف آه…..
محتاج له يمكن يسمعه ويعود إليه…
محتاج لضمة حب تجمعهم
تمد لهم فى بحر الخوف…
طوق النجاااااة
والا نسينا كلنا!!!
ونقول ده حلم فى عمرنا…
واهو كان زمان…..
وده كان زمان…

 

الوسوم